Xalqaro futbol assotsiatsiyasi sentyabr oyi uchun milliy jamoalarning yangilangan reytingini e’lon qildi. Bu haqda FIFA rasmiy saytida xabar berilgan.
Ma’lum bo‘lishicha, O‘zbekiston milliy terma jamoasi o‘tgan oydagi o‘rnidan 1 pog‘ona yuqorilab, 60-o‘rindan joy oldi.
Terma jamoamiz hisobida 1413,06 ochko bor va Osiyoning umumiy reytingdagi 8-jamoasi bo‘lib turibdi. Osiyo davlatlari orasida Yaponiya 16-o‘rin, Eron 19-o‘rin va Janubiy Koreya 23-o‘rinni qayd etib kuchli uchlikni tashkil qilgan.
Reytingning eng yuqori o‘rnida amaldagi Jahon chempioni Argentina jamoasi o‘rin olgan. Keyingi o‘rinlarda Fransiya hamda Ispaniya termalari joylashgan.
Bu oy uchun reytingda eng katta tushish Qatar jamoasiga tushish bo‘ldi. Qatar jamoasi 10 pog‘ona pastlab, 44-o‘rinda qayd etilgan. Eng yaxshi o‘sish esa Bruney davlatiga tegishli bo‘lib, 7 o‘ringa ko‘tarilgan.
.png&w=3840&q=75)
