“Jarayon haddan oshib ketdi, ovoz berish boshlandi – revansh bo‘lmaydi!”, – deb yozdi D.Tramp Truth Social ijtimoiy tarmog‘ida.
D.Tramp, shuningdek, avvalroq 4-sentyabr kuni Fox News telekanalidan Kamala Xarris bilan debatda ishtirok etish taklifini qabul qilganini, biroq uning raqibi rad javobini berganini esladi.
Respublikachi siyosatchining qo‘shimcha qilishicha, u so‘rovlarda oldinda, shu bois raqibi bilan farq kundan-kunga ortib bormoqda. Uning so‘zlariga ko‘ra, bahsni davom ettirishdan ma’no yo‘q, chunki K.Xarris AQSH prezidenti Jo Bayden siyosatida hech narsani o‘zgartirmaydi. Tramp, shuningdek, uning nomzodi Jey Di Vens yaqinda bo‘lib o‘tgan debatda demokrat raqib Tim Uolsni “oson mag‘lub etganini” ta’kidladi.
AQSH prezidentligiga nomzodlar Kamala Xarris va Donald Tramp noyabr oyidagi saylovlar oldidan ABC News telekanalida birinchi va ehtimol yagona saylovoldi teledebatini o‘tkazdilar.
Keyinroq Donald Tramp o‘zining raqibi, Demokratik partiya nomzodi Kamala Xarris bilan saylovdagi debatda endi qatnashmasligini ma’lum qildi.
AQSHda navbatdagi prezidentlik saylovlari 5-noyabrga belgilangan.
.jpg&w=3840&q=75)
