Saida Mirziyoyeva JST bosh direktori bilan uchrashdi

Saida Mirziyoyevaning yozishicha, muloqot davomida tashkilotga a’zo bo‘lish yo‘lida O‘zbekiston tomonidan ko‘rilayotgan amaliy qadamlar muhokama qilingan. Shuningdek, milliy qonunchilikni JST normalari va qoidalari bilan uyg‘unlashtirish borasida O‘zbekiston erishgan natijalar hamda boshqa ijobiy o‘zgarishlar qayd etilgan.

Kecha Jahon savdo tashkiloti bo‘lim rahbari Maika Oshikava JST delegatsiyasining tashrifi va undan ko‘zlangan maqsad haqida Linkedin sahifasida yozib qoldirgan edi. Delegatsiya prezidentning JST masalalari bo‘yicha vakili Aziz Urunov bilan ishchi guruhning bo‘lajak 9-yig‘ilishi uchun hujjatlarni, jumladan, E-dWPR’ning yangilangan versiyasini, tasdiqlovchi hujjatlarni yakunlash bo‘yicha texnik ishlarni muhokama qilish va qo‘shimcha qonun hujjatlarini joriy etish masalalarini muhokama qilgan.