Germaniya g‘azoliklar uchun 50 million yevro ajratadi

Germaniya tashqi ishlar vaziri Annalena Berbok iordaniyalik hamkasbi Ayman as-Safadiy bilan uchrashuvdan so‘ng bu haqida X ijtimoiy tarmog‘ida ma’lum qilgan.

Uning so‘zlariga ko‘ra, yangi transhni hisobga olgan holda, 2023-yildan beri Germaniyaning g‘azoliklarga yordam ko‘rsatish hajmi 360 million yevrodan oshgan.

Germaniya TIV maʼlumotlariga ko‘ra, 2024-yilda Germaniyadan Iordaniyaga yetkaziladigan insonparvarlik yordami 63 million yevrogacha ko‘tariladi. Vazirlikning qo‘shimcha qilishicha, “Iordaniya yo‘lagi” deb nomlangan yo‘nalish bo‘ylab yuk mashinalari kolonnalari tomonidan yordam yetkazib berishni davom ettirish uchun Germaniya qo‘shimcha 5 million yevro ajratadi.