Unda keltirilgan ma’lumotlarga ko‘ra, o‘tgan yilda respublikada o‘rtacha oylik miqdori 5,3 mln. so‘mni tashkil qilgan. 2024-yilning yanvar-dekabr oylarida hududlar bo‘yicha o‘rtacha oylik nominal hisoblangan ish haqining eng yuqori ko‘rsatkichlari Toshkent shahrida 9 072,4 ming, Navoiy viloyatida 6 766,1 ming, Toshkent viloyatida 5 097,9 ming, Andijon viloyatida 4 616,1 ming hamda Buxoro viloyatida 4 343,9 ming so‘mni tashkil etgan. 2024 yilda maosh eng ko‘p bo‘lgan viloyatlar orasida Navoiy va Toshkent viloyatlari ikkinchi hamda uchinchi o‘rinlarni egallagan. 2024 yilda bank-moliya sohasi xodimlarining o‘rtacha oylik ish haqi 15,3 mln. so‘mni tashkil etib, o‘tgan yilga nisbatan 14,3 foizga o‘sdi.
Bu, ma’lumotlar e’lon qilinayotgan oxirgi 5 yildagi eng past o‘sish ko‘rsatkichidir. Shunday bo‘lsada, sohaning o‘rtacha oyligi O‘zbekistonda eng yuqorisi bo‘lib qolmoqda. Qayd etilishicha, o‘tgan yilda bank, sug‘urta, lizing, kredit va vositachilik faoliyati bilan shug‘ullanuvchilarning o‘rtacha ish haqi 15,3 mln. so‘mni tashkil etib, soha xodimlari maoshi 14,3 foizga oshgan. Bu o‘tgan yilgi o‘sish (+23,7 foiz) ko‘rsatkichidan 65,7 foizga kamroqdir. Umuman olganda, 2021 yildan buyon bank-moliya sohasida o‘rtacha ish haqi o‘sishi sekinlashmoqda. 2021 yilda o‘sish ko‘rsatkichi 32,5 foizni, 2022 yilda 30 foizni, 2023 yilda 23,7 foizni tashkil etgan edi.
Hududlar kesimida sohadagi o‘rtacha oylik ish haqining eng yuqori ko‘rsatkichi Toshkent shahri (18 mln. 904,4 ming so‘m), Andijon (14 mln. 317,9 ming so‘m) va Navoiy (13 mln. 258,1 ming so‘m) viloyatlarida kuzatilgan. Eng kam ko‘rsatkich Farg‘ona (10 mln. 26 ming so‘m) Sirdaryo (10 mln. 207 ming so‘m) hamda Samarqand (10 mln. 322 ming so‘m) viloyatlarida qayd etildi. Yuqori o‘sish sur’ati Xorazm viloyatida (119,9 foiz) hamda Buxoro viloyatida (116,7 foiz), eng kam o‘sish Farg‘ona (3,3 foiz) Jizzax (6,2 foiz) hamda Samarqandda (6,2 foiz) kuzatildi.
O‘sish dinamikasi sekinlashishiga qaramay, bank-moliya cyektori O‘zbekistondagi eng yuqori daromadli soha bo‘lib qolmoqda.
Taqqoslash uchun, axborot va aloqa sohasida o‘rtacha 13,2 million, tashish va saqlash – 8,1 million va sanoat sohasi – 6,4 million, ta’lim – 3,6 million hamda sog‘liqni saqlash va ijtimoiy xizmatlar ko‘rsatishda 3,4 million so‘m ish haqi to‘lanmoqda.
