Suriyada Rossiya, Eron va Isroildan tovar importi taqiqlandi
20.01.2025 16:02
Suriyada Rossiya, Eron va Isroildan tovarlar import qilish taqiqlandi. Al Arabiya xabariga ko‘ra, agar ushbu uch mamlakatdan mahsulotlar aniqlansa, ular musodara qilinadi.
Hukumatning bu qarori, shuningdek, iqtisodiyotni qo‘llab-quvvatlash maqsadida yangi iqtisodiy choralarni o‘z ichiga oladi. Xususan, dollar operatsiyalariga ruxsat berilgan va yagona bojxona to‘lovlari 50 foizdan 60 foizgacha pasaytirildi.
Xabarda aytilishicha, ushbu qaror Suriyaning AQSH va boshqa davlatlar bilan import aloqalarini kuchaytirishga imkon beradi. Hozirda Damashqdagi do‘konlar turkcha shisha suv, Saudiya oziq-ovqat mahsulotlari, shuningdek, Pepsi, Twix va Snickers kabi xalqaro brendlar bilan to‘lgan.
Yangi hukumat qarori shuningdek, mahalliy ishlab chiqaruvchilarni qo‘llab-quvvatlashga qaratilgan. Xususan, xom ashyo importini yengillashtirish va sanoatni rag‘batlantirish choralari ko‘rilmoqda.
