AQSHning Vashington shtatidagi uylardan birida otishma yuz berdi. Natijada 5 kishi halok bo‘ldi, bir o‘smir gumondor sifatida qo‘lga olindi. Bu haqda Associated Press xabar berdi.
Nashr ma’lumotlariga ko‘ra, joriy yilning 21-oktyabr kuni ertalab Sietl (Vashington shtati) shahrining janubi-sharqidagi uylardan birida besh kishi o‘lik holda topilgan, o‘smir gumondor sifatida hibsga olingan.
Otishma haqida 911 xizmatiga 21-oktyabr kuni mahalliy vaqt bilan soat 5:00 atrofida xabar qilingan. Voqea joyiga yetib kelgan politsiya zudlik bilan o‘smirni hibsga oldi, yana bir yaralangan o‘smir Sietldagi shifoxonaga yetkazildi. Ikkalasi ham shu uyda yashaydi. Politsiya ma’lumotlariga ko‘ra, halok bo‘lganlarning ikki nafari kattalar, uch nafari o‘smirlardir.
“Jasadlarni topgandan keyin, bu katta jinoyat ekanligini angladik”, – dedi politsiya vakili.
Politsiyaning aytishicha, otishma oila a’zolari o‘rtasida sodir bo‘lgan, biroq ularning qanday aloqasi borligi noma’lum. Gumon qilinuvchi sifatida hibsga olingan voyaga yetmagan shaxs King okrugidagi voyaga yetmaganlar uchun mo‘ljallangan qamoqxonada o‘tiribdi. Hozirda sudga qadar tergov harakatlari olib borilmoqda.
.jpg&w=3840&q=75)
