Yaponiya tashqi ishlar vaziri Takesi Ivaya eronlik hamkasbi Abbos Aragchi bilan telefon orqali muloqot qildi.
40 daqiqa davom etgan suhbat chog‘ida Ivaya o‘z mamlakatining Yaqin Sharqdagi keskinlikning kuchayishi, xususan, Eronning Isroilga qilgan so‘nggi hujumidan jiddiy xavotirda ekanligini bildirdi, deya xabar beradi Yaponiya Tashqi ishlar vazirligi matbuot xizmati.
Ivaya barcha tomonlarni, jumladan Eronni ham keskinliklar yanada kuchayishiga yo‘l qo‘ymaslik uchun sabrga chaqirdi va mintaqada keskinlik kuchaygan taqdirda Yaponiya fuqarolari xavfsizligini ta’minlashda Erondan yordam kutishini aytdi.
Eron Tashqi ishlar vazirligi tomonidan berilgan yozma bayonotga ko‘ra, Aragchi va Ivaya mintaqadagi so‘nggi o‘zgarishlar haqida fikr almashgan.
Vazirlar yana beqarorlikning oldini olish, G‘azo va Livanda zudlik bilan o‘t ochishni to‘xtatish va Isroil hujumlari sodir bo‘lgan taqdirda bu hududlarga insonparvarlik yordamini yetkazish uchun xalqaro sa’y-harakatlar zarurligini ta’kidladilar.
Tashqi ishlar idoralari rahbarlari ikki tomonlama munosabatlarni mustahkamlash, mintaqada tinchlik va barqarorlikni ta’minlash maqsadida maslahatlashuvlarni davom ettirishga kelishib oldilar.
.jpg&w=3840&q=75)
