Buyuk Britaniya va Germaniyani bog‘lovchi tunnelda ilk ikki qavatli poyezdlar ishga tushiriladi

Kompaniya 30 ta ikki qavatli yangi poyezdga buyurtma bergan. Kelajakda yana 20 ta poyezd ishga tushirilishi rejalashtirilmoqda. Ushbu yangilanish Eurostar’ning yiliga 30 million yo‘lovchiga xizmat ko‘rsatish maqsadining bir qismidir.

Yangi poyezdlar haqida nimalar ma’lum?

Yangi poyezdlar mavjud joy sig‘imini 20 foizga oshiradi. La-Mansh tunnelida 400 metrlik uzunlikda harakatlanadigan har bir yangi poyezdda taxminan 1 080 ta o‘rin bo‘ladi. Dastlabki poyezdlar 2031-yil yanvar oyida yetkazib beriladi, tijorat yo‘lovchi reyslari esa 2031-yil may oyida boshlanishi kutilmoqda. Dastlab 6 ta ikki qavatli poyezd ishga tushadi. Qolgan poyezdlar qachon yo‘nalishga qo‘shilishi hozircha aniq emas.

Ish o‘rinlari yaratiladi

Yangi poyezdlar Londondagi Temple Mills deposida texnik xizmat ko‘rsatishdan o‘tkaziladi. Eurostar bu jarayon orqali 350 ta yuqori malakali yangi ish o‘rni yaratilishini ma’lum qilmoqda. Hozirgi mavjud park bilan birga kompaniyaning umumiy poyezdlar soni 67 taga yetadi.