Prezidentning so‘zlariga ko‘ra, amerikalik tadbirkor iyul oyida bo‘lib o‘tgan prezidentlik saylovlaridan so‘ng, Venesueladagi davlat to‘ntarishiga urinish harakatlarini moliyalashtirgan va u buning uchun 1 milliard dollar miqdorida mablag‘ ajratgan.
"Ilon Mask davlat to‘ntarishi, fashistik isyon va saylov jarayonlariga qarshi zo‘ravonlik kabi jinoyatlar uchun kamida 1 milliard dollar sarmoya kiritgan", — deya da’vo qilgan siyosatchi.
Maduroning qo‘shimcha qilishicha, saylovdan keyin o‘ta o‘ngchi muxolifat mamlakatdagi vaziyatni barqarorlashtirishga harakat qilgan. Prezident, shuningdek, davlat to‘ntarishiga urinish ortida AQSH hukumati turganini aytgan, muxolifat yetakchilaridan biri Mariya Korina Machado esa Ilon Maskning mablag‘larini tarqatib, terrorchilik guruhlarini moliyalashtirgan.
"Mask mag‘lub bo‘ldi va hozir mamlakatda qonun ustuvorligi, haqiqat, davlatchilik, tartib hamda tinchlik hukm surmoqda", — deydi Venesuela rahbari.
Ma’lumot uchun, Venesueladagi prezidentlik saylovlari joriy yilning 28-iyul kuni o‘tkazilgan va saylov natijalariga ko‘ra, Nikolas Maduro 51.2 foiz ovoz to‘plash orqali g‘alabani qo‘lga kiritgan. Biroq muxolifat va yana bir qator davlatlar, jumladan, Amerika Qo‘shma Shtatlari uning g‘alabasini tan olishdan bosh tortgan edi.
.jpg&w=3840&q=75)
