Isroilning Livanga hujumi qurbonlari soni 2.3 mingdan oshdi
15.10.2024 09:36
2023-yil 8-oktyabrdan beri Isroilning Livandagi zarbalari natijasida 2309 kishi halok bo‘ldi. Bu haqda Livan sog‘liqni saqlash vazirligi bayonotida aytilgan.
Yana 10 782 kishi jarohat olgan, deyiladi xabarda.
Isroil armiyasining bir kun avval uyushtirgan hujumlari natijasida 3 kishi halok bo‘lgani, 84 kishi yaralangani qayd etildi. Isroilning Livandagi bombardimonlari tufayli 100 ming kishi uyini tark etishga majbur bo‘ldi.
Mamlakatning janubiy viloyatlaridan poytaxt Bayrut va shimolga ko‘chish to‘lqini davom etmoqda. Livan hukumati Suriyaga 430 mingdan ortiq qochqin qochganini xabar qildi.
Eslatib o‘tamiz, avvalroq “Hizbulloh” Isroil bazasiga dronlar bilan hujum qilgani va to‘rt nafar askar halok bo‘lgani haqida yozgan edik.
Saudiya Arabistoni Livanga 40 million tonna gumanitar yordam yubordi.
