O‘zbekistonda «Sun’iy intellekt alyansi» tashkil qilinadi

21-10-2025 10:21

«Biz 2030-yilga borib, sun’iy intellekt bo‘yicha «TOP-50» ta davlat qatoriga kirishni maqsad qilganmiz. Shu bois, ilg‘or xorijiy tajribadan kelib chiqib, «Sun’iy intellekt alyansi»ni tashkil qilamiz», – deya ta’kidladi Prezidentimiz.

https://storage.pro-data.tech/protsess/dd40fb7a-ede4-469c-9f8c-b218ce2a234f-625a7d49-44a5-4c66-8112-faef801d8bbe.webp

Ushbu alyans tarkibiga sohada samarali faoliyat yuritayotgan yetakchi kompaniyalar, xorijiy ekspertlar va vatandoshlarimiz, yirik davlat korxonalari, banklar va oliygohlar kiritiladi.

Alyansning asosiy vazifalari yetakchi xalqaro ilmiy-tadqiqot markazlari va akseleratorlar bilan hamkorlikni kuchaytirish, o‘zimizdagi dasturlar bo‘yicha media-kontentni yaratib, xalqaro PR kampaniyalarni tashkil etish, mahalliy korxonalar va mutaxassislarning xalqaro ko‘rgazma, forum va konferensiyalardagi ishtirokini tashkil etishdan iborat bo‘ladi.

Yig‘ilishda hudud va tarmoqlar rahbarlari hisobot berdi, sohadagi startaplar asoschilari va informatika o‘qituvchilarining fikrlari tinglandi.