Notoʻgʻri qaror boʻyicha shikoyatlar nega rad etiladi?
30.08.2024 14:57
Yoʻl harakati bilan bogʻliq notoʻgʻri chiqarilgan qaror yuzasidan shikoyat yoʻllash borasida tushuncha berildi.
my.gov.uz portali orqali sinov tartibida ishlayotgan Yoʻl harakati bilan bogʻliq notoʻgʻri chiqarilgan qaror yuzasidan shikoyat yoʻllashda eʼtiborli boʻlish soʻraldi.
Sababi qaror raqami notoʻgʻri kiritilsa, fuqaro murojaati YHXX axborot tizimi tekshiruvidan oʻtmay, avtomatik ravishda rad etiladi.
Nega bunday xatoga yoʻl qoʻyiladi?
Koʻp fuqarolar jarima toʻgʻrisidagi qaror raqamini toʻlov kvitansiyasi raqami bilan adashtirib yubormoqda.
Qaror raqamini kiritayotganda harflarning katta-kichik belgilariga eʼtibor berishmayapti.
Yoʻl harakati qoidabuzarligi sodir etilgan hududni notoʻgʻri belgilashmoqda.
Nima uchun qaror raqamini toʻgʻri kiritish va yoʻl harakati qoidabuzarligi sodir etilgan hududni toʻgʻri belgilash muhim?
Qaror raqami – bu sizning maʼmuriy huquqbuzarlik holatingizni aniqlashda yagona identifikatordir. Agar siz raqamni notoʻgʻri kiritsangiz, tizim sizning shikoyatingizni tegishli maʼlumotlar bilan bogʻlay olmaydi va u rad etiladi.
Yoʻl harakati qoidabuzarligi boʻyicha chiqarilgan qaror yuzasidan yoʻllangan shikoyat qoidabuzarlik sodir etilgan hududga biriktirilgan masʼul xodimga avtomatik ravishda yoʻnaltiriladi. Shu bois qoidabuzarlik sodir etilgan hududni aniq belgilash zarur.
Qaror raqamini qanday topish va toʻgʻri kiritish mumkin?
Sizga jarima solingani toʻgʻrisida yuborilgan qarorni diqqat bilan oʻrganing va qaror raqamini toping.
Raqamni toʻliq va aniq koʻchiring: harflar va raqamlari bilan birga.
Arizani yuborishdan oldin unda hech qanday xatoliklar yoʻqligiga ishonch hosil qiling.
Qaror raqamlari boʻyicha namunalar: RA12345678901, RR12345678901, RB12345678901, ST12345678901, MB12345678901.
.webp&w=3840&q=75)
