Vazirlar Mahkamasining 300-sonli qarori bilan, Din ishlari boʻyicha qoʻmita Umra xizmatlarini tashkil etish uchun turfirmalarga yangi litsenziya shartlarini eʼlon qildi:
- 1 million AQSH dollari miqdoridagi mablagʻni “Ziyorat jamgʻarmasi”ga zaxira qilib qoʻyish;
- Ziyoratchilarning guruh rahbari etib Oʻzbekiston musulmonlari idorasi bilan tuziladigan shartnoma asosida mutaxassisni tayinlash;
- Turfirma shtatida diniy (islomiy) taʼlim yoʻnalishlari boʻyicha bir nafar mutaxassisning mavjudligi;
- Voyaga yetmagan fuqarolarga xizmat koʻrsatmaslik;
- Oʻz faoliyatini turoperator va turagentlar orqali amalga oshirmaslik;
- Ziyoratchilar uchun Saudiya Arabistonining faqat “Umra vizasi”ni rasmiylashtirish – boshqa viza bilan olib borish noqonuniy hisoblanadi;
- Umra xizmatlari Saudiya Arabistonidagi hamkor tashkilot oʻrtasida imzolanadigan shartnomaga muvofiq amalga oshirish va ular koʻrsatadigan xizmatlar uchun toʻlovlarni bank orqali amalga oshirish;
- Ziyoratchilarga sifatli xizmat koʻrsatish, xususan oʻz vaqtida tibbiy xizmat koʻrsatishni taʼminlash;
- Xalqaro yoʻnalishda 2-yildan kam boʻlmagan tajribaga ega, bu davrda yoʻlovchi tashishning xalqaro va milliy qonunchilik talablarini buzmagan aviakompaniya bilan hamkorlik qilish;
- Ziyoratchilarni yuborishdan oldin ularga borish va qaytish aviachiptalarini xarid qilish;
- Ziyoratchilarni toifasi 3 yulduzdan kam boʻlmagan mehmonxonalarga joylashtirish;
- Umra xizmatini uchinchi davlatlar orqali koʻrsatmaslik;
- Xizmatlarni litsenziyada koʻrsatilgan manzildan boshqa joydagi vakolatxona yoki filial orqali koʻrsatmaslik.