Nepallik o‘smir 14 ta eng baland cho‘qqini zabt etdi
12.10.2024 16:06
18 yoshli nepallik Nima Rinji 9-oktyabr kuni mahalliy vaqt bilan 6:05 da sherigi Pasang Nurbu bilan 8,027 metr balandlikdagi Shisha-Pangma cho‘qqisini zabt etib, bunga erishgan eng yosh odam bo‘ldi. Bu haqda CNN xabar berdi.
Nashrning yozishicha, Shisha-Pangma 14 ta 8000 metrli cho‘qqilarning biri bo‘lib, ularning barchasi Xalqaro alpinizm va tog‘chilik federatsiyasi tomonidan dengiz sathidan 8,000 metr baland deb tan olingan. Nimaning yutug‘i Nepal Alpinizm assotsiatsiyasi tomonidan ham tasdiqlangan.
Ginnesning rekordlar kitobiga ko‘ra, bundan avval, 2019-yilda Mingma Gyabu 30 yoshida barcha 14 ta cho‘qqiga chiqishga muvaffaq bo‘lgan. Ularning veb-saytida yangi rekord tasdiqlanishi bir necha hafta davom etishi mumkinligi qayd etilgan.
Ma’lumotlarga ko‘ra, Nima epik sayohatini 2022-yil sentyabr oyida Nepalning 8 163 metr balandlikdagi Manaslu tog‘iga chiqish bilan boshlagan. Keyingi ikki yil ichida u barcha 8000 metrli cho‘qqilarni, jumladan dunyoning eng baland cho‘qqisi Everest (8 848,86 metr) va juda xavfli hisoblangan K2 (8 611 metr) ni zabt etgan.
