Oʻzbekistonlik sportchi Asila Mirzayorova dastlabki urinishidayoq Paralimpiya oʻyinlari rekordini oʻrnatdi.
Parijda boʻlib oʻtayotgan Paralimpiya oʻyinlarining yengil atletika boʻyicha ayollar musobaqasi davom etmoqda.
T11 klassida uzunlikka sakrash bahsida ishtirok etayotgan oʻzbekistonlik Asila Mirzayorova dastlabki urinishidayoq 5,22 metr natija qayd etib, ushbu yoʻnalishda Paralimpiya oʻyinlari rekordini oʻrnatdi.
Eslatib oʻtamiz, Asila 2023-yilning iyul oyida Fransiyaning Parij shahrida para yengil atletika boʻyicha jahon chempionatida oltin medalni qoʻlga kiritgan edi. Shuningdek, Mirzayorova Tokio—2020 yozgi Paralimpiya oʻyinlari kumush medal sohibi hisoblanadi.
