Dovulning chorshanba kuni quruqlikka tushishi kutilyapti, deb xabar beradi Euronews.
Mamlakatning olti shtatida 230 dan ortiq odamning hayotiga zomin bo‘lgan “Xelin” to‘fonidan ikki hafta o‘tmay yana bir tabiiy ofat sodir bo‘lishi taxmin qilinmoqda.
“Yaqinda biz dahshatli dovuldan aziyat chekdik. Ko‘p joylar suv ostida qoldi. Shuning uchun, bu safar biz boshqa dovulga tayyorgarlik ko‘rishga qaror qildik. O‘tgan hafta sodir bo‘lgan voqeaning oldini olish uchun uy atrofida qum qoplarini yig‘yapmiz”, - dedi Florida shtatida yashovchi Luis Smit.
Bu aholiga bir necha hafta ichida ikkinchi marta evakuatsiya qilish buyrug‘i berildi.
“Xelin” to‘foni 2,4-3,6 metrga yetishi mumkin.
Mutaxassislarning fikriga ko‘ra, “Milton” Atlantikada rekord darajada tez o‘sib borayotgan uchinchi to‘fon bo‘ldi. Atigi 12 soat ichida u birinchi toifadagi dovuldan beshinchi toifadagi dovulga kuchaydi. Olimlar ob-havoning o‘zgarish chastotasini iqlim o‘zgarishi va global isish bilan bog‘laydi.
