U birinchi marta Forbes jurnalining yillik milliarderlar reytingiga kirdi, deb xabar beradi Euronews.
Xonanda boyligi 1,4 milliard dollarga baholangan qo‘shiqchi Riannani ortda qoldirdi va ayni damda boyligi 2,5 milliard dollar (taxminan 2,2 milliard yevro) bo‘lgan Jay-Zdan keyin eng badavlat musiqachilar ro‘yxatida ikkinchi o‘rinni egallab turibdi.
Yaqin kelajakda Svift barcha davrlarning eng boy ayol musiqachisiga aylanishi mumkin.
Forbes bu xabarni Eras Tourdagi tarixiy muvaffaqiyatidan keyin Sviftning moliyaviy ahvolini tahlil qilib tasdiqladi. Jurnal hisobotiga ko‘ra, uning boyligining 600 million dollari gastrollardan tushgan daromad va gonorar, yana 600 million dollari musiqiy katalogidan va 125 million dollari ko‘chmas mulkka investitsiyalardan tushadi.
Ma’lumotlarga ko‘ra, Svift o‘tgan yilning o‘zida Spotify royaltidan 100 million dollar daromad olgan, bu asosan uning 2022-yilgi «Midnights» albomi va 2023-yilda qayta yozilgan “1989” - “1989” (Taylor's Version) albomi tufaylidir.
Sviftni ko‘pchilik musiqachilardan ajratib turadigan jihati shundaki, uning boyligi birinchi navbatda musiqiy karyerasiga bog‘liq bo‘lib, uni tadbirkorlik faoliyati bilan emas, balki albom savdosi va jonli ijrolar orqali tarixda 10 raqamli sof boylikka ega bo‘lgan yagona musiqachiga aylantiradi.
U birinchi marta 2023-yil oktyabr oyida milliarderga aylandi.
Teylor Svift avgust oyida Eras Tour turnesining Yevropa bosqichini yakunladi va shu yil oxirida jahon gastrollarini yakunlaydi. Yakuniy bosqich 18-oktyabrda AQSHda boshlanadi va Eras Tour dekabr oyi boshida Kanadada yakunlanadi.
.jpg&w=3840&q=75)
