Muntazam choy iste’mol qilish jigar saratoni xavfini kamaytiradi – tadqiqot

Unda jigar saratoni tashxisi qo‘yilgan 2000 dan ortiq bemor va kasal bo‘lmagan 8000 ga yaqin kishi ishtirok etdi.

Tadqiqotchilar ishtirokchilarning odatlarini, jumladan choy ichish, gepatit B va C viruslari mavjudligi, chekish, spirtli ichimliklarni iste’mol qilish va ichimlik suvi sifatini solishtirdi. Ma’lum bo‘lishicha, tadqiqot vaqtida choy ichishni davom ettirgan odamlarda jigar saratoni bilan kasallanish xavfi ichmaydiganlarga qaraganda 49 foizga kam bo‘lgan. Choy ichishni tashlaganlar esa, o‘rtachadan yuqori xavfga duch kelishdi.

Boshqa xavf omillari mavjud bo‘lgan odamlar – gepatit B bo‘lgan va bo‘lmaganlarda, chekuvchilarda va spirtli ichimliklarni iste’mol qilganlardan qat’i nazar uning ta’siri kuzatildi. Choyning himoya ta’siri spirtli ichimliklarni iste’mol qiladiganlar orasida ayniqsa sezilarli bo‘ldi: ichimlik jigar saratoni xavfini deyarli ikki baravar kamaytirdi. Mualliflarning fikricha, choy tarkibidagi antioksidantlar va polifenollar bu jarayonlarda asosiy rol o‘ynashi mumkin.

Tadqiqotchilarning ta’kidlashicha, choy gepatit B ga qarshi emlash, spirtli ichimliklardan voz kechish va xom suv ichish kabi tasdiqlangan profilaktika choralarining o‘rnini bosa olmaydi. Biroq, muntazam choy iste’mol qilish, ayniqsa, yuqori xavf guruhidagi odamlar uchun kasallik xavfini kamaytirishning qo‘shimcha va arzon usuli bo‘lishi mumkin, deb xabar berdi lenta.ru.