Istanbulda bir guruh o‘zbekistonliklar nega qo‘lga olingani ma’lum qilindi

Mazkur xabar yuzasidan O‘zbekiston Respublikasining Istanbul shahridagi Bosh konsulxonasi munosabat bildirdi.

«Darhaqiqat, shu yilning 29 sentyabr kuni Istanbulda 6 nafar shaxs, jumladan, bloger "Jasmin" (Muzaffar Rahimov) ham mahalliy politsiya tomonidan qo‘lga olinib, 30 sentyabrda Maltepe yopiq turdagi jazoni ijro etish muassasasiga joylashtirilgan», — deyiladi xabarda.

Xabarda ta’kidlanishicha, ular giyohvandlik vositalari va psixotrop moddalarning noqonuniy aylanmasi bilan bog‘liq jinoyatni sodir etishda gumonlanmoqda.

Tintuv davomida olingan ashyoviy dalillar ekspertizaga yuborilgan, tergov davom etmoqda, — deyiladi Bosh konsulxona bayonotida.