Oʻzbekiston Respublikasi Oliy sudi, Bosh prokuratura, Ichki ishlar vazirligi va Adliya vazirligi vakillari ishtirok etgan tadbirda sud-huquq tizimida amalga oshirilgan islohotlar tahlil qilindi.
Ma’lumki, parlament sud-huquq tizimini shakllantirish va qonun chiqarishda muhim rol oʻynaydi. Parlament qonunlarni qabul qiladi va ularning ijro etilishini nazorat qiladi. Sud-huquq tizimi esa ushbu qonunlarni amalga oshirish va ularga rioya qilishni taʼminlaydi.
Har bir saylov bu yangi takliflar, loyihalar, gʻoyalar degani. Sudlar va prokuratura organlari tomonidan qabul qilinadigan qarorlar va ishlarning samaradorligi yangi parlamentning siyosiy va huquqiy qarorlariga qarab oʻzgarishi mumkinmi?
Parlament aʼzolari sud-huquq tizimidagi islohotlarni amalga oshirishni taklif etishi mumkin. Bu islohotlar sudlarning mustaqilligi, qarorlarning adolatliligi va tizimning samaradorligini oshirishda qay darajada ahamiyatli?
Sessiyada shu kabi savollarga “Debat xoll”da atroflicha javob berildi.
Eslatib oʻtamiz, Qonunchilik palatasi saylovlari ilk marta majoritar-proporsional (aralash) tizim asosida oʻtkaziladi.