Xalqaro konkida uchish ittifoqi (ISU) 2022-yil bahorida rossiyalik va belaruslik atletlarni xalqaro musobaqalardan chetlatgan.
Konkida uchish boʻyicha olimpiya chempioni, hozirda Rossiya davlat dumasi deputati Svetlana Jurova rossiyalik sportchilar — short-trekchilar Denis Ayrapetyan va Daniil Eybog hamda konkida uchuvchi Danila Semerikov Oʻzbekiston sharafini himoya qilish istagida ekanliklaridan afsusda ekanini bildirdi. Uning soʻzlarini «Match TV» keltirdi.
«Shunday vaziyatda bu sportchilar Rossiyadan ketishayotganidan afsusdaman. Ularni tushunmayman, ammo tanqid ham qilmayman. Ular ham olimpiadada qatnashishni istaydi», — dedi Jurova.
Semerikov — jahon chempionatlari sovrindori, Ayrapetyan va Eybog — Evropa chempionlari. 1-oktyabr kuni Rossiya konkida uchuvchilar ittifoqi har uch sportchining Oʻzbekiston terma jamoasiga oʻtishi uchun ikki yillik karantinni tasdiqladi.
Xalqaro konkida uchish ittifoqi (ISU) 2022-yil bahorida rossiyalik va belaruslik atletlarni xalqaro musobaqalardan chetlatgan edi.
.png&w=3840&q=75)
