Toshkent viloyatida «Vaz 2106» rusumli avtomashina yonib ketdi. Bu haqda viloyat IIBB YHXB xabar berdi.
Bildirilishicha, hodisa kecha, 30-sentyabr kuni soat 20:20 larda Qibray tumani Mehnat MFY hududidan o‘tgan D008 raqamli M39 avtomobil yo‘li (813-kilometridan) May-Chirchiq avtomobil yo‘lining 10-kilometrida sodir bo‘lgan.
Hodisa oqibatida haydovchi — 1990-yilda tug‘ilgan M.F. boshqaruvidagi avtomobil to‘liq yonib ketgan. M.F. mashinadan tushib qolgan. Harakat vaqtida avtomobilda yo‘lovchilar bo‘lmagan.
Qayd etilishicha, hozirda holat yuzasidan Qibray tumani FVB YOXB tomonidan surishtiruv ishlari olib borilmoqda.
