Avstriya hukumati iste’foga chiqishga tayyorlanmoqda
30.09.2024 17:01
Avstriya hukumati kelasi hafta o‘z iste’fosini taqdim etadi, biroq parlament saylovlari yakunlari bo‘yicha yangi vazirlar mahkamasi tayinlanmaguncha ishlashda davom etadi. Bu haqda respublika prezidenti Aleksandr Van der Bellen ma’lum qildi.
“Hukumat kelasi hafta ularning iste’fosi haqida ariza beradi va men ularga yangi hukumat tayinlanmaguncha davom etishni topshiraman. Keyin men Milliy kengashda vakillik qilgan barcha partiyalar bilan muzokaralar olib boraman”, – dedi u ORF telekanalida.
Van der Bellenning so‘zlariga ko‘ra, u koalitsiya tuzish uchun tomonlar o‘rtasida qanday murosalarga erishish mumkinligini aniqlashga harakat qilmoqda.
ORF jamoat teleradiokompaniyasi ma’lumotlariga ko‘ra, Ozodlik partiyasi saylovchilarning 29,1 foizi bilan oldinda, kansler Karl Nexammerning Xalq partiyasi esa 26,2 foiz ovozga ega. Markaziy so‘l sotsial-demokratlar 20,4 ajbp ovoz bilan uchinchi o‘rinni egalladi.
.jpg&w=3840&q=75)
