Korrupsion surishtiruv institutini joriy etish taklif qilindi
26.09.2024 10:16
"Adolat" sotsial-demokratik partiyasi korrupsiya holatlari bo‘yicha korrupsion surishtiruv institutini joriy etish taklifini ilgari surmoqda.
Tahlillarga ko‘ra, korrupsiyaning global jamiyat uchun zarari yiliga 2,6 trillion AQSH dollarini tashkil etadi. Davlatlarning korrupsiyaga qarshi kurashish faoliyatiga alohida korrupsionerga emas, balki korrupsion holatlarning kelib chiqishiga imkon yaratadigan omillarning oldini olish borasida qanday amaliy choralar ko‘rayotganligiga qarab baho beriladi.
O‘zbekistonda o‘tgan davrda korrupsiyaga qarshi kurashish sohasida muayyan natijalarga erishilgan bo‘lsada istiqbolda qator vazifalarni amalga oshirish lozim.
“Adolat” SDP Saylovoldi dasturidagi korrupsiya holatlari bo‘yicha “dastlabki o‘rganish” – korrupsion surishtiruv institutini joriy etish tashabbusi dolzarb ahamiyatga ega. Bu institutni joriy etishdan ko‘zlangan maqsad korrupsiya bilan bog‘liq holatlarni ilk bosqichlarda aniqlash, faktlarni to‘plash va tahlil qilishdan iborat.