Armaniston bosh vaziri Nikol Pashinyan Nyu-Yorkda BMT Bosh assambleyasi sessiyasi doirasida Turkiya prezidenti Rajab Toyyib Erdo‘g‘on bilan
uchrashdi.
Unda bosh vazir Yerevan Ozarbayjon bilan tinchlik shartnomasini imzolashga tayyorligini aytdi.
“Pashinyan prezident Erdo‘g‘onni Armaniston-Ozarbayjon kelishuv jarayonidagi mavjud vaziyat, munosabatlarni tartibga solish bo‘yicha kelishuv imzolashga tayyorligi, shuningdek, Armaniston hukumatining "Dunyo chorrahasi" tashabbusi haqida ma’lumot berdi”, — deyiladi xabarda. Bu haqda Armaniston hukumati matbuot xizmati xabar berdi.
Pashinyan va Erdo‘g‘on "Armaniston-Turkiya munosabatlarini normallashtirish jarayoni doirasida allaqachon qilingan qadamlar va mavjud kelishuvlarni batafsil muhokama qilishdi", deyiladi xabarda.
"Tomonlar kelishuv jarayonini hech qanday shartlarsiz davom ettirishga va munosabatlarga yangi turtki berishga tayyorligi ta’kidlandi", — deyiladi xabarda.
Eslatib o‘tamiz, 2023 yil 19 sentyabrda Ozarbayjon Qorabog‘da amaliyot o‘tkazib, hududiy yaxlitligini tiklagandi. Lekin hanuz mamlakat Armaniston bilan tinchlik shartnomasini imzolagani yo‘q.
.jpg&w=3840&q=75)
