"Adliya departamenti demokratiyamizning mohiyatiga zid zo‘ravonlik harakatlariga toqat qilmaydi va biz ularni amalga oshirganlarni topib, jinoiy javobgarlikka tortamiz", — dedi departament rahbari, AQSH Bosh prokurori Merrik Garland.
BBC jurnalistining yozishicha, hozirda hibsda saqlanayotgan 58 yoshli Rayan Rut avvalroq qurol saqlashda ayblanib, 20 yilgacha qamoq jazosiga hukm qilingan. Endi u Trampga suiqasd uyushtirishda ayblanib, umrbod qamoq jazosiga hukm qilinishi mumkin.
Seshanba kuni Adliya vazirligi Mayamidagi katta sudyalar hay’ati ayblov xulosasini tasdiqlaganini e’lon qilgan.
Dushanba kuni prokurorlar sud hujjatlarini taqdim etishdi, chunki Rayan Rut bir necha oy oldin Trampga suiqasd uyushtirilmagan holat uchun eslatma yozgan va uni ismi oshkor etilmagan guvohning uyiga joylashtirgan.
"Men qo‘limdan kelgancha harakat qildim", — deb yozgan Rut o‘z eslatmasida, shuningdek, u o‘z qaydida boshqalarni bu muvafaqqiyatsiz urinishni yakunlab qo‘yishga chorlagan.
Donald Tramp AQSH ma’muriyatini Rut ishini noto‘g‘ri ko‘rib chiqqanlikda ayblagan hamda uni o‘zining golf klubi joylashgan va suiqasd uyushtirilgan Florida shtati huquq-tartibot idoralariga topshirishga chaqirgan edi.
Merrik Garland seshanba kuni ayblovlarni rad etib, jurnalistlarga uning departamenti davlat organlari bilan qonun doirasida hamkorlik qilishini aytgan.
.jpg&w=3840&q=75)
