Pokistonda elchilarni kuzatib borayotgan politsiya mashinasi portlatildi
23.09.2024 14:31
Pokistonda 12 davlat elchilari bo‘lgan kortejni olib ketayotgan politsiya mashinasi minani bosib ketdi va portladi, deb xabar bermoqda 24kz.
Diplomatlar orasida Qozog‘iston elchisi ham bo‘lgan. Ular sog‘-salomatlar. Biroq uch nafar politsiyachi yaralangan, bir nafari halok bo‘lgan.
QR Tashqi ishlar vazirligi rasmiy vakili Aybek Smadiyarovning ma’lum qilishicha, delegatsiya vakillari Islomobodga qaytib kelishgan. Ular Islomobod Savdo-sanoat palatasi tomonidan turizmga bag‘ishlangan anjumanda ishtirok etish uchun Svat shahriga ketayotgan edi.
