Toshkentda tergovchi pora bilan ushlangani aytilmoqda

Xabarda aytilishicha, joriy yilning 17 sentyabr kuni XX va Bosh prokuratura huzuridagi IJQK Departamentining Toshkent shahar boshqarmalari hamda shahar prokuraturasi xodimlari tomonidan fuqaro Yu.Mning arizasiga asosan hamkorlikda o‘tkazilgan tezkor tadbirda, Bektemir tumani bo‘yicha IIO FMB huzuridagi tergov bo‘limi jinoyatlarni tergov qilish bo‘linmasi tergovchisi N.X ish yurituvidagi jinoyat ishi bo‘yicha JKning 276-moddasi 2-qismi «a» bandi bilan ayiblanuvchi tariqasida jazo etilgan Yu.M unga nisbatan «qamoq» extiyot chorasi qo‘llash bilan qo‘rqitib, «garov» extiyet chorasi qo‘llash evaziga 500 (besh yuz) AQSH dollari berishni talab qilib pora berishga majbur etadigan sharoitga tushirib shu kuni soat 11:45 larda Bektemir tumani, Yuqorichirchiq ko‘chasi, 41-uyda joylashgan tuman IIO FMB binosidagi o‘zining 34-sonli xizmat xonasida Yu.Mdan talab qilingan 500 (besh yuz) AQSH dollarini (Markaziy bank tomonidan belgilan qiymat bo‘yicha 6.373.805 so‘mga teng) tamagirlik yo‘li bilan pora tariqasida olgan vaqtida daliliy ashyolar bilan ushlangan.