Misrning O‘zbekistondagi elchisi diplomatik missiyasini yakunladi
19.09.2024 08:42
Tashqi ishlar vaziri 2020-yil dekabridan buyon Misrning respublikadagi elchisi lavozimida ishlab kelayotgan Amira Fahmi bilan xayrlashuv uchrashuvini o‘tkazdi.
O‘zbekiston tashqi ishlar vaziri Baxtiyor Saidov Misrning mamlakatimizdagi diplomatik missiyasini yakunlayotgan elchisi Amira Fahmini qabul qildi. Bu haqda Tashqi ishlar vazirligi rahbari o‘zining Telegram-kanalida ma’lum qildi.
“Biz so‘nggi yillarda ikki tomonlama munosabatlarda sezilarli ijobiy dinamikani qayd etganimizdan mamnunmiz. Biz elchi xonimga mamlakatlarimiz o‘rtasidagi aloqalarni boyitishga qo‘shgan hissasi uchun minnatdorchilik izhor etamiz va kelgusi faoliyatida muvaffaqiyatlar tilaymiz”, — deb yozadi Baxtiyor Saidov.
