09.08.2024 23:57
O‘zbekiston delegatsiyasi Parijdagi yozgi Olimpiya o‘yinlarida ikkinchi oltin medalini qo‘lga kiritdi.
Taekvondo bahslarida -68 kg vaznda Ulug‘bek Rashitov qatorasiga ikkinchi Olimpiadada tengsiz bo‘ldi. Bungacha Tokio Olimpiadasi chempioni bo‘lgan o‘zbekistonlik sportchi finalda iordaniyalik Zaid Karim bilan bellashdi va 2:0 (5:4, 3:1) hisobida g‘alabaga erishdi.
E'tiborlisi, Ulug‘bek bungacha Osiyo chempionati va Osiyo o‘yinlari finalida ham Zaidni oltinsiz qoldirgandi.
22 yoshli Rashitov avvalgi bosqichlarda Xavier Peres (Ispaniya), Lyan Yu Shua (Xitoy) va Lo Vai Fungdan (Hongkong) ustun kelgandi.
Shu tariqa, O‘zbekiston delegatsiyasining medallari soni 4 taga etdi. Avvalroq dzyudoda Diyor Keldiyorova oltin, Muzaffarbek To‘raboev va Alisher Yusupov bronza medaliga sazovor bo‘lgandi.
