Maʼlum qilinishicha, hodisa bugun, 9-sentyabr kuni 9:10 larda Mirzo Ulugʻbek tumani Mustaqillik shohkoʻchasida yuz bergan. Aniqlik kiritilishicha, 2002-yilda tugʻilgan haydovchi O.T. boshqaruvidagi “Cobalt”, 1996-yilda tugʻilgan haydovchi F.Y. boshqaruvidagi “Tracker-2”, 1998-yilda tugʻilgan haydovchi T.Q. boshqaruvidagi “Lacetti”, 1993-yilda tugʻilgan haydovchi O.Z. boshqaruvidagi “Nexia-3” va 1984-yilda tugʻilgan haydovchi Sh.A. boshqaruvidagi “Skoda” rusumli avtomashinalar toʻqnashishi oqibatida YTH sodir boʻlgan.
“YTH oqibatida tan jarohati olganlar yoʻq. Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda”, deyiladi xabarda.
Sirdaryo viloyati YHXB xabariga koʻra, kecha, 8-sentyabr kuni soat 18:00 larda Oq oltin tumani Yangi davr mahallasi hududidan oʻtuvchi A-373 avtomobil yoʻlida 6 ta avtomashina ishtirokida yoʻl-transport hodisasi yuz bergan.
Qayd etilishicha, “Gentra” rusumli avtomobil tartibga solingan piyodalar svetoforida toʻxtagan. Bu vaqtda uning orqa tomonidan oraliq masofani saqlamagan holda kelgan “Gentra”, “Damas”, “BYD” va 2 ta “Spark” bir-biriga urilgan.
Oqibatda barcha transport vositalari texnik shikastlangan, hodisa tufayli tan jarohati olganlar yoʻqligi taʼkidlanmoqda.
Manbaga koʻra, hozirda hodisa yuzasidan tumani IIB xodimlari tomonidan surishtiruv harakatlari olib borilmoqda.
