Ilon Mask 20 yil ichida Mars sayyorasida shahar qurmoqchi

Unga ko‘ra, Starship parvozlari orqali sayyoraga qo‘nish jarayoni mashq qilinadi.

«Agar qo‘nishlar muvaffaqiyatli bo‘lsa, 4 yildan so‘ng Marsga odamning birinchi parvozi amalga oshiriladi. Bundan keyin (Marsga) parvozlar intensivligi eksponent ravishda oshadi, bizning maqsadimiz - taxminan 20 yil ichida Marsda o‘zini o‘zi ta’minlaydigan shahar qurish», dedi SpaceX asoschisi.

Starship kosmik kemasi sayyoralararo parvozlar uchun mo‘ljallangan. SpaceX veb-saytida aytilishicha, u eng baland kosmik kema va qayta foydalanish mumkin bo‘lganda 150 tonnagacha yukni ko‘tarishga qodir. Kema odamlar va yuklarni Oy va Marsga yetkazish uchun yaratilgan. Buning uchun 33 ta dvigatelga ega Super Heavy o‘ta og‘ir raketa ishlab chiqilgan.