M-39 avtomobil yo‘lining Samarqand tumani hududidan o‘tgan qismida “VAZ-2107” va “Spark” avtomobillari ishtirokidagi YTHda bir nafar fuqaro halok bo‘ldi.
Viloyat IIB YHXB bergan rasmiy maʼlumotga ko‘ra, “VAZ-2107” avtomobili haydovchisi yo‘lda qayrilish mumkin bo‘lmagan joydan qayrilmoqchi bo‘lgan. Shu paytda “Spark” avtomashinasining yo‘liga chiqib ketgan va u bilan to‘qnashgan. Oqibatda “Jiguli” haydovchisining 2010 yilda tug‘ilgan qizi tan jarohatlari bilan shifoxonaga yotqizilgan.
Biroq shifokorlar tomonidan ko‘rsatilgan muolajalarga qaramasdan jabrlanuvchi vafot etgan.
