Yaponiya qutqaruv ishlari uchun uch metr balandlikdagi gumanoid robot ishlab chiqmoqchi

Yaponiyaning eng yirik universitetlaridan biri bir nechta mahalliy kompaniyalar bilan birgalikda tabiiy ofat oqibatlarini bartaraf etish va qutqaruv ishlarida qo‘llaniladigan eng so‘nggi gumanoid robotlarni ishlab chiqish uchun kuchlarni birlashtiradi. Bu haqda Kyodo agentligi xabar berdi.

Vaseda universiteti mahalliy Murata, Tmsuk va Sre Holdings kompaniyalari bilan birgalikda balandligi 3 metr va og‘irligi 300 kilogramm bo‘lgan gumanoid robotlarni ishlab chiqish va keyinchalik ishlab chiqarish niyatida. Bunday robotlar soatiga 5 kilogramm tezlikda harakatlana oladi va 100 kilogrammdan ortiq yuklarni ko‘tara oladi. Ulkan gumanoid robotlarning asosiy vazifasi Yaponiya muntazam duch keladigan zilzilalar va boshqa tabiiy ofatlardan keyin vayronalarni tozalashdan iborat bo‘ladi.

Sinov modeli 2026-yil oxirigacha tayyor bo‘lishi kutilmoqda, 2029-yilgacha esa ommaviy ishlab chiqarish yo‘lga qo‘yilishi rejalashtirilgan. Shuningdek, ta’kidlanishicha, bu ishlanma bilan yapon mutaxassislari afsonaviy gumanoid robot Asimoni ishlab chiqqan mamlakatga robototexnika sohasidagi yetakchilikni qaytarishni kutishmoqda, deb xabar beradi tass.ru.