Eng koʻp gaz eksport qilayotgan mamlakatlar maʼlum boʻldi. Bu haqdagi maʼlumotni Xalqaro gaz ittifoqi (IGU) taqdim etdi.
Unga koʻra, oʻtgan yili jahon bozoriga eng koʻp gaz yetkazib bergan mamlakat Rossiya boʻlgan. IGU maʼlumotiga koʻra, 2023-yilda Rossiya 139 mlrd kubometr gaz sotgan.
Roʻyxatning ikkinchi oʻrnida — Qatar (128 mlrd) va uchinchida AQSH (127 mlrd) qayd etilgan.
Taʼkidlanishicha, sanksiya cheklovlari Rossiyaning Yevropaga suyultirilgan tabiiy gaz eksportiga qisman taʼsir koʻrsatgan, xolos. Fransiya, Ispaniya, Niderlandiya, Italiya va Belgiya rus gazini yoqishda davom etmoqda, deyiladi xabarda.
