Ozarbayjonda parlament saylovi natijalari eʼlon qilindi

Saylov natijalariga koʻra, navbatdan tashqari oʻtkazilgan ushbu saylovlarda prezident Ilhom Aliyev boshchiligidagi hukmron “Yangi Ozarbayjon” partiyasi Milliy Majlisdagi 125 oʻrindan 63 tasini qoʻlga kiritdi.

Qolgan oʻrinlarni esa amaldagi hukumatni qoʻllab-quvvatlovchi rasmiy mustaqil nomzodlar, shuningdek, boshqa kichik partiyalar qoʻlga kiritdi. Mamlakatdagi eng yirik muxolifat partiyasi “Ozarbayjon Xalq fronti” parlament saylovlarini boykot qildi.

Muxolifatdagi “Musavat” partiyasi soʻnggi 15 yil ichida ilk bor saylovlarda ishtirok etdi. Biroq yangi parlamentda birorta ham oʻrin olmadi. Partiyaning rahbari Orif Hojili Reuters agentligiga bergan intervyusida Ozarbayjondagi saylovlar halolligiga ishonmasligini, lekin “mamlakatdagi siyosiy muhitni jonlantirish uchun” unda qatnashganini aytdi.

Maʼlumot uchun: Markaziy saylov komissiyasi raisi Z.Nizamxodjayev boshchiligida Oʻzbekiston delegatsiyasi aʼzolari Boku shahrida va uning atrofidagi hududlarda ovoz berishning turli bosqichlarida – uchastkalarning ochilishidan tortib ovozlarni uchastka saylov komissiyalari tomonidan ovozlarni sanab chiqishgacha boʻlgan jarayonlarda bevosita ishtirok etdilar.