“Ochiq byudjet” portalida “Tashabbusli byudjet” jarayonining 2024-yildagi 2-mavsumi g‘olib loyihalari eʼlon qilindi.
Ovoz berish jarayoni yakunlariga ko‘ra, 2 trillion 139 milliard so‘mlik 1772 ta loyiha g‘olib deb topildi. Loyihalarni moliyalashtirish uchun ushbu mavsumga 2 trillion 271 milliard so‘m ajratilgan.
22-avgust kuni boshlangan ovoz berish bosqichi 31-avgust soat 23:59 ga qadar — 10 kun davom etdi. Bu vaqt davomida ovoz yig‘ishga majburlash holatlari yuzasidan 39 ta shikoyat tushdi. Kelib tushgan barcha murojaatlar ko‘rib chiqish uchun tegishli tuman (shahar) Xalq deputatlari kengashlariga yuborilgan.
Ovoz berish jarayonlarida mamlakat bo‘ylab 9 milliondan ortiq fuqaro ishtirok etdi. G‘olib bo‘lgan loyihalar bilan quyidagi havola orqali tanishish mumkin.
.webp&w=3840&q=75)
