Eslatma: 1-sentyabrdan qonunchilikda nimalar oʻzgarishini bilib oling

Qonunchilikka koʻra, ovchilik xoʻjaligini tashkil etishning quyidagi tartibi oʻrnatiladi: 

— ov qilish faqat ovchilik xoʻjaliklari hududida amalga oshiriladi va ovchilik xoʻjaliklari hududidan tashqarida ov qilishni amalga oshirish taqiqlanadi;

— ovchilik xoʻjaliklarini tashkil etish uchun yer yuridik va jismoniy shaxslarga elektron onlayn-auksion orqali 49 yil muddatga ajratiladi;

— elektron onlayn-auksion gʻolibi boʻlgan yuridik va jismoniy shaxslarga ovchilik xoʻjaliklariga (ovchilik bazalari va pitomniklarga) tutash hududdagi ov qilish joylari ovchilik xoʻjaligini yuritish uchun biriktirib beriladi.

Qonunchilikka koʻra, hududlarda sanoat salohiyatini yanada oshirish uchun:

— Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari tarkibida 5 ta shtat birligidan iborat Sanoatni rivojlantirish yigʻma boʻlimlari tashkil etiladi;

— tumanlar (shaharlar) iqtisodiyot va moliya boʻlimlarida sanoatni rivojlantirish boʻyicha bosh mutaxassis lavozimi joriy etiladi.

Qonunchilikka koʻra, yovvoyi hayvonlarni koʻpaytirish joylarini, kichik safari parklar va ov turizmini tashkil qilgan ovchilik xoʻjaliklari 3 yil muddat mobaynida mol-mulk va yer soligʻini 50 foizga kamaytirilgan soliq stavkalari boʻyicha, shuningdek, aylanmadan olinadigan soliqni 1 foiz miqdorida toʻlaydi.

Qonunchilikka koʻra, fermer, dehqon xoʻjaliklari va boshqa mahsulot yetishtiruvchilarga sholi yetishtirish va xarid qilish xarajatlarini moliyalashtirish uchun Prezident (PQ–52-son, 15.12.2021-y.) qarorida belgilangan shartlarda imtiyozli kreditlar ajratiladi.