UNESCO O‘zbekistonga minnatdorlik bildirdi

Qayd etilishicha, delegatsiyalar samimiy mehmondo‘stlik, iliq qabul va konferensiya ishini muvaffaqiyatli o‘tkazish uchun yaratilgan qulay sharoitlar uchun minnatdorlik izhor etgan. Ular sessiyaning go‘zal Samarqand shahrida o‘tkazilganidan alohida mamnuniyat bildirdi va O‘zbekiston hukumatining barcha a’zo davlatlar, uyushgan a’zolar va kuzatuvchilarning to‘liq ishtirokini ta’minlashga qaratilgan sa’y-harakatlarini yuqori baholagan. Shuningdek, ular Prezident Shavkat Mirziyoyevning konferensiyaga ko‘rsatgan e’tibori, beqiyos qo‘llab-quvvatlovi va shaxsan ishtiroklari uchun samimiy minnatdorliklarini bildirgan.

O‘zbekiston tashkilotlari va xodimlarining yuqori kasbiy mahorati va fidoyiligi konferensiya ishining uyg‘un va samarali o‘tishini ta’minlashda katta hissa qo‘shgani ham alohida qayd etilgan.

“Qadimiy sivilizatsiya va boy madaniy meros yurti bo‘lgan O‘zbekiston o‘zining madaniy boyliklari orqali delegatsiyalar o‘rtasida o‘zaro tushunish va hamjihatlik ruhini mustahkamlashga katta hissa qo‘shganini ta’kidlar ekan, O‘zbekiston Respublikasi xalqiga va Hukumatga do‘stlik, o‘zaro ishonch va UNESCO bilan kelgusidagi xalqaro hamkorlikning mustahkamlanishiga ishonch ruhidagi murojaatni yuborishi", deyiladi xabarda.

Eslatib o‘tamiz, avvalroq O‘zbekiston Respublikasi Prezidenti Shavkat Mirziyoyev 12 noyabr kuni UNESCO bosh direktori lavozimiga saylangan Holid al-Ananiyni qabul qilgandi.