3 mingdan ortiq fuqaro uy-joyiga bo‘lgan huquqini rasman tasdiqladi

04-11-2025 14:21

Qashqadaryo viloyatida aholining xususiy mulk huquqlarini himoya qilish va ularni qonuniylashtirish borasida amalga oshirilayotgan ishlar samara bermoqda. Ayni paytga qadar o‘z ko‘chmas mulkiga egalik huquqi e’tirof etilgan fuqarolar soni 3 ming 63 nafarga yetdi.

https://storage.pro-data.tech/protsess/23ba1ace-c694-4e78-ab33-c685eb22ff82-9f205582-e1a1-4b95-9b7a-469acd63e8a7.webp

Mazkur jarayon aholining xususiy mulkni rivojlantirish, turmush sharoitini yaxshilash hamda ijtimoiy muhofaza tizimini kuchaytirishda muhim ahamiyat kasb etmoqda. Uy-joy huquqini rasmiylashtirish orqali fuqarolar mulkdan to‘liq foydalanish, kreditlar olish, merosga qoldirish va boshqa qonuniy imkoniyatlarga ega bo‘lmoqda.

Hududlar kesimida eng yuqori ko‘rsatkichlar Kasbi tumanida 355 nafar, Qamashi tumanida 322 nafar, Koson tumanida 291 nafarni tashkil etdi.

Mutasaddilar ta’kidlashicha, bu yo‘nalishdagi ishlar izchil davom ettirilib, hali o‘z mulkiga egalik huquqini rasmiylashtirmagan fuqarolarga huquqiy yordam va tushuntirish ishlari kengaytirilmoqda.