Bugun Toshkent shahrining Yunusobod tumanida joylashgan “Universam” bozori orqasidagi yangi qurilgan uyda yong‘in yuzaga keldi. Bu haqda poytaxt Favqulodda vaziyatlar boshqarmasi ma’lumot berdi.
Qayd etilishicha, soat 15:28 da Yunusobod tumanining “Akbarobod” MFY hududida, yangi qurilayotgan binoda yong‘in sodir bo‘layotgani to‘g‘risida FVBga xabar kelib tushgan.
Shunga ko‘ra, yong‘in-qutqaruv ekipaji soat 15:36 da voqea joyiga yetib borib, yong‘in soat 16:03 da yong‘in o‘chirilgan.
Yong‘in oqibatida yangi qurilayotgan binoning tom qismida, qurilish chiqindilari yonib zararlangan. Hodisa oqibatida tan jarohati olgan va halok bo‘lganlar yo‘q.