«Milton» to‘foni 50 milliard dollar zarar yetkazdi

Bu haqda bayonot bergan AQSH prezidenti Jo Bayden uning ma’muriyati Florida shtatining davlat va mahalliy rahbarlari bilan doimiy aloqada bo‘lib, kerakli barcha resurslar bilan ta’minlayotganini ma’lum qildi.

U «Milton» to‘fonidan so‘ng qutqaruv va tiklash ishlari bilan band barchaga minnatdorlik bildirib, ertaga, yakshanba kuni tabiiy ofatdan jabr ko‘rgan hududlarga borishini ma’lum qildi.

Florida shtati hukumati ma’lumotiga ko‘ra, suv toshqini payti 1 600 dan ziyod kishi qutqarilgan. Floridaning 2,2 milliondan ziyod aholisi elektrsiz qolmoqda.

Garchi to‘fon chekingan bo‘lsa-da, Milliy meteorologiya xizmati yaqin kunlar yoki hafta davomida suv toshqinlari xavfi borligidan ogohlantirdi.