Braziliyaning San-Pauluda kuchli bo‘ron oqibatida yetti kishi halok bo‘ldi, bir yarim milliondan ortiq kishi elektr ta’minotisiz qoldi. Bu haqda “MIR 24” xabar berdi.
Gap shundaki, bir kun oldin shaharda yomon ob-havo kuzatildi. Shamolning tezligi sekundiga 30 metrga yetdi. Shamol sabab daraxtlar quladi va elektr simlari uzildi. Bir qancha aeroportlar yopilgan. Turli hududlarda suv ta’minotida uzilishlar boshlandi. Shahar hokimiyati aholini suvdan foydalanishni cheklashga chaqirmoqda. San-Paulu Janubiy Amerikadagi eng yirik shahar bo‘lib, unda 21 millionga yaqin aholi istiqomat qiladi.
Tabiiy ofat Braziliya 40 yil ichida birinchi marta duch kelgan eng og‘ir qurg‘oqchilik davrida yuz berdi.
