Isroil harbiy-havo kuchlarining G‘azo sektoridagi turar-joy binolariga uyushtirgan hujumi oqibatida kamida 21 kishi halok bo‘ldi. Bu haqda Anadolu nashri yozdi.
Falastinning rasmiy axborot agentligi WAFA xabariga ko‘ra, Isroil samolyotlari G‘azo sektorining turli hududlarida tinch aholini nishonga olgan.
Isroil janubidagi Rafah shahrida uyushtirilgan havo hujumida halok bo‘lgan 6 kishining jasadi Xon Yunusdagi Yevropa kasalxonasiga yetkazilgan.
Isroil samolyotlarining Xon Yunus shahridagi bir qancha binoni bombalagani, sektor shimolidagi Jabaliya hududiga qilgan hujumi oqibatida bir necha falastinlik yaralangani ma’lum qilindi.
G‘azo sektoridagi Shujeye va Zaytun tumanlariga havo hujumi natijasida 2 falastinlik halok bo‘ldi.
11-oktyabr kuni Isroil hujumlari natijasida G‘azo sektorida jami 21 nafar tinch aholi halok bo‘ldi.
2023-yil 7-oktyabrdan buyon G‘azo sektorida 42 126 falastinlik, jumladan 17 000 bola va 11 378 ayol halok bo‘ldi, 98 117 nafari yaralandi.
.jpg&w=3840&q=75)
