62 yoshli Klaudiya Sheynbaum rasman Meksika prezidenti lavozimiga kirishdi. Inauguratsiya marosimi respublika Kongressi (ikki palatali parlament) yig‘ilishlari bo‘lib o‘tadigan Mexiko shahridagi San-Lasaro qonunchilik saroyida bo‘lib o‘tdi
- Meksika Qo‘shma Shtatlarining siyosiy konstitutsiyasiga va undan kelib chiqadigan qonunlarga rioya qilish va amalga oshirishga, xalq menga ishonib topshirgan Respublika Prezidentining vazifalarini har narsada yaxshilikni va ittifoqning farovonligini hisobga olgan holda sodiqlik va vatanparvarlik bilan bajarishga tantanali ravishda qasamyod qilaman. Agar men buni qilmasam, millat meni jazolasin, - deya Sheynbaum prezidentlik qasamyodi matnini o‘qidi.
Shundan so‘ng, davlat rahbari lavozimini tark etayotgan Andres Manuel Lopes Obrador ishtirokida Deputatlar palatasi Prezidiumi (quyi palata) raisi Ifigeniya Martines Ernandes unga prezidentlik hokimiyati ramzlaridan biri – Meksika bayrog‘i ranglaridagi prezident lentasini topshirdi.
Klaudiya Sheynbaum (to‘liq ismi Klaudiya Sheynbaum Pardo) 1962-yil 24-iyunda Mexiko shahrida tug‘ilgan. U ota-bobolari va ona tomondan Sharqiy Yevropadan kelgan yahudiy muhojirlariga mansub. Uning otasi tadbirkor va ilmiy doiralarda taniqli kimyo muhandisi edi. Onasi biolog, 1960-yillarda ular mamlakatdagi chap qanot talabalar harakati va noroziliklarida faol ishtirok etgan.
Sheynbaum Meksika Milliy avtonom universitetini fizika fakultetini tamomlagan va u yerda energetika bo‘yicha magistrlik va doktorlik darajasini olgan. U Kaliforniya universiteti Berkli laboratoriyasida Meksikadagi energiya yo‘nalishlari bo‘yicha doktorlik ishini yoqlagan.
.jpg&w=3840&q=75)
