Ushbu hujjatni tayyorlashda BMTning bir qancha agentliklari vakillari ishtirok etdi, deya xabar beradi Tojikistonning Xovar agentligi “BMT yangiliklar” saytiga tayanib.
BMT ochlik darajasini o‘lchash uchun murakkab shkalani joriy qildi. Oxirgi, beshinchi bosqich odamlarning umuman oziq-ovqatga ega emasligini, buning natijasida ular kasal bo‘lib, o‘limga duchor bo‘lishlarini ko‘rsatadi.
BMT oziq-ovqat va qishloq xo‘jaligi tashkiloti bosh iqtisodchisi Maksimo Toreroning so‘zlariga ko‘ra, yuqorida qayd etilgan bosqichdagi odamlar soni 2023-yildagi 705 ming kishidan 2024-yilda 1,9 million kishiga ko‘tarilgan. Bunday tez o‘sishga G‘azo va Sudandagi mojarolar, El-Nino sabab bo‘lgan qurg‘oqchilik (iqlimga sezilarli ta’sir ko‘rsatadigan Tinch okeanining ekvatorial qismida suv yuzasi haroratining o‘zgarishi) va oziq-ovqat narxlari ta’sir ko‘rsatmoqda.
Jahon oziq-ovqat dasturining bosh iqtisodchisi Orif Husayn ko‘chirilganlar soni ortib borayotganiga e’tibor qaratdi.
“2023-yilda majburiy ko‘chirilganlar soni 90 million kishini tashkil etgan bo‘lsa, 2024-yilda bu ko‘rsatkich 99 millionga yetdi”, – dedi u.
YUNISЕFning bolalar ovqatlanishi va rivojlanishi bo‘yicha direktori bolalar qashshoqlikda yashayotganini ta’kidladi. Uning aytishicha, dunyoning 8 ta davlatida bolalar ochlikdan o‘lmoqda. Kamerun, Chad va Yamandan xavotirli xabarlar kelmoqda.
