“Debat Xoll” media-markazi ochilish marosimi doirasida uchrashuv bo‘lib o‘tdi.
O‘zbekiston Respublikasi Oliy Majlis Senatining Mudofaa va xavfsizlik masalalari qo‘mitasi raisi Qutbiddin Burxonov, Oliy Majlis Qonunchilik palatasi Spikeri o‘rinbosari Odiljon Tojiyev, Markaziy saylov komissiyasi kotibi Xudoyor Mamatov, Milliy media birlashmasi raisi Sherzodxon Qudratxo‘ja, Xalqaro press-klub raisi Jaloliddin Usmonovlar ishtirokida o‘tayotgan sessiyada joriy yildagi saylov jarayonlaridagi o‘zgarishlar, aralash saylov tizimi dunyo mamlakatlarida tobora ommaviylashib borayotgani va mazkur saylovda aralash saylov tizimining joriy etilayotganining ahamiyati xususida ma’lumotlarni yetkazishdi.
Shuningdek, Milliy media birlashmasi raisi Sherzodxon Qudratxo‘ja jurnalistlarga murojaat qilib, an’anaviy jurnalistikaga noan’anaviy yondashishni taklif qildi.
Shu bilan birga, saylov jarayonlarida faqat ovoz berish jarayoni yashirin bo‘lishi, qolgan barcha holatlar ochiq-oshkora tarzda tashkil etilishini ta’kidlandi.
Ishtirokchilar tomonidan berilgan savollarga mas’ullar tomonidan batafsil javob berildi.