Taniqli shoira Bibisora Turobova 2024-yil 15-sentabr kuni vafot etdi. Bu haqda O‘zbekiston Yozuvchilar uyushmasi xabar berdi.
Bibisora Turobova 1952-yil 1-sentabrda Samarqand (hozirgi Navoiy) viloyati Xatirchi tumanida tug‘ilgan. O‘rta maktabdan keyin Maktabgacha ta’lim texnikumida o‘qib, so‘ng Samarqand davlat pedagogika institutida ta’lim olgan.
1990 yillarda O‘zbekiston Yozuvchilar uyushmasiga a’zo bo‘lgan. O‘nga yaqin she’riy kitoblari nashr etilgan. Ayniqsa, «Kelin salom» va «Men izlagan quvonch» she’riy kitoblari katta e’tibor topdi.
«Protsess.uz» jamoasi va ko‘p sonli a’zolari uning oilasi va yaqinlariga chuqur hamdardlik bildiradi.
