Tramp yadroviy suv osti kemalari allaqachon “bo‘lishi kerak bo‘lgan joyda” ekanini tasdiqladi

AQSH Prezidenti Donald Tramp Rossiyaning sobiq prezidenti Dmitriy Medvedev bilan “uzoqdan” janjallashib qolganidan keyin “tegishli hududga” joylashtirishni buyurgan ikkita yadroviy suv osti kemasi belgilangan manzilga yetib keldi. Ular “allaqachon bo‘lishi kerak bo‘lgan hududda”, dedi Tramp 3 avgust, yakshanba kuni kechqurun Nyu-Jersidan Vashingtonga uchishidan oldin jurnalistlarga.

U suvosti kemalari qaysi hududda joylashtirilgani, ular yadro inshootlari yoki yadro qurollari bilan jihozlanganmi, aniqlik kiritmadi. Amerika yadroviy suv osti kemalarining joylashuvi o‘ta sir tutiladigan axborotdir.

Trampning ikkita atom suv osti kemasini “tegishli hududlarga” jo‘natish haqidagi buyrug‘i 1 avgust kuni ma’lum bo‘ldi. U bu qadamini Dmitriy Medvedevning “o‘ta provokatsion bayonotlari” bilan izohladi. Qaror “agar bu ahmoqona va qo‘zg‘atuvchi bayonotlar shunchaki so‘zlardan iborat bo‘lib qolsa, qabul qilindi”, deb yozdi Tramp o‘zining Truth Social Trump ijtimoiy tarmog‘ida va “so‘zlar juda muhim” va “ko‘pincha kutilmagan oqibatlarga olib kelishi”ni tushuntirdi. “Umid qilamanki, bu safar bunga olib bormaydi”, deya qo‘shimcha qildi AQSH Prezidenti, deb xabar berdi dw.com.